နမ့်ဆန်မှာ လက်နက်ကြီးကျည်ဆော့မိလို့ ကလေးငယ် ၃ ဦး သေဆုံး

နမ့်ဆန်မှာ လက်နက်ကြီးကျည်ဆော့မိလို့ ကလေးငယ် ၃ ဦး သေဆုံး


ရှမ်းပြည်နယ်(မြောက်ပိုင်း) နမ့်ဆန်မြို့ မှာ မပေါက်ကွဲသေးတဲ့ လက်နက်ကြီးကျည်တစ်လုံးကို ကလေးငယ် ၃ ဦး ဆော့ကစားရင်း ပေါက်ကွဲခဲ့တာကြောင့် ကလေးငယ် ၃ ဦးလုံး သေသွားတယ်လို့ တအာင်းတပ် (TNLA) က ထုတ်ပြန်လာပါတယ်။

ဖေဖော်ဝါရီ ၂ ရက်က သေဆုံးခဲ့တဲ့ က‌လေးငယ်တွေက အသက် ၆ နှစ်၊ ၁၀ နှစ် နဲ့ ၁၁ နှစ်အရွယ်တွေဖြစ်ကြပြီး နမ့်ဆန်မြို့ ဇယန်းကြီးရပ်ကွက်မှာ နေထိုင်ကြသူတွေ လို့ သိရပါတယ်။ 
အဲဒီလက်နက်ကြီးကျည်ဟာ နမ့်ဆန်တိုက်ပွဲတုန်းက ကျန်ခဲ့တာလို့ သိရပြီး ဘယ်အဖွဲ့ရဲ့ ကျည်လဲဆိုတာ ရှင်းရှင်းလင်းလင်းမသိရသေးပါဘူး။